تفهمين الشعر ولا ياعسا ماتفهمينه
ماطلبتك تفهمين القصد لامنك قريتي
يكفي انك لاقريتي تفهمين وتكتمينه
طبعك الغدار لامنك حكيتي ماوفيتي
توعديني باالمحبه والوعد وينك وينه
ولا تضايقتي من اللي قلت قلتيلي نسيتي
أبعدي عني وروحي والهوى لاتذكرينه
كنت صادق باالمحبه لكن انتي مادريتي
شخص مثلي يابنيه باالهوى ماتملكينه
والغرور اللي بقلبك اعتمابك واعتميتي
الصراحه ثوبها يابنت صعبه تلبسينه
مستحيل اصدق الكلمه ليامنك حكيتي
ان حكيتي ماصدقتي والهوى ماتعرفينه
صار همك في جمالك والغرور به ابتليتي
اذكري ماضي هو انا وان بطى لاتجهلينه
اذكري كلمة احبك يوم قلتيها بكيتي
اذكري ذاك الغرام اللي مضى لاتجحدينه
وارحلي عني وروحي واذكريني لاجفيتي
ولاهويتي شخص غيري حسسيه انك تبينه
ولاتقولين بحياتي شخص ثاني لاهويتي
خلي اسمي بس ذكرى في حياتك تحفضينه
واذكريني لازعلتي واذكريني لا قسيتي
يمكن انك لاذكرتي كل شين تتركينه
والله اني واثقن لامن ذكرتيني سليتي