لو كل غالي قدر احساس غالي ماشفت داك الدمع من محجره ساح

السلآم عليكم ورحمه الله وبركاااته


مساء الخير لكم حبايبي


قصيدهـ أعجبتني وآتمنى إنهآ تنال إعجآبـــكم



يآ ذيب انا طآلبكـ خلنَي بــ حـآلي
ما أبي " أضيّق خاطرك" وأنت مرتاح


ياصاحبي وإن غبت عنك " ليالي "
غلاك باقي بــ الحنايا ولا راح


تبي أسولف لك ، وش اللي جرالي ؟؟
أخاف يمسح قولنا الصبـــح لا لاح


أجل تعال أجلس هنيـّـا قبــالي
دام الحطب طاح وكثير العتب طاح


لو كل شخص إليا عطيته وفالي
ماكان بــ الدنيا حزن ليل وجراح


ولو كل غالي قدّر إحساس غالي
ماشفت ذاك الدمع من محجره ســاح


ولو كل قلب من الحسد جاك خالي
مايشتكي من شحّ الأمطار فــــلاّح


ولو كل واحد جاك طبعه مثـــالي
ماكان بــ الدنيا سجن ناس وإصلاح


ولولا الذنوب اللي بـ كبر الجبالي
ماكان جيش الكفر لــ بلادنا إجتـــاح


ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح


هذا بعض حزن السنين التوالي
طير الحزن مبطي على خافقي ناح


ما أقول أن الخير ماله مجالي
لآ والذي يفلق من الليل الإصبــــاح


لكن هنا بعض الألم ياحلالي
وأنا أدري أن العود يوم أحترق فاح


أول أقول إني صبور وشمالي
واليوم لآ والله أنفجر سدّي وبـــاح


ماقلت لك ياذيب خلّني بـ حالي
هذا أنت ضقت وأذكرك جيت مرتاح

يسلمووووووووووووووووووووووو على هاذي القصايد مو غريبه عليك هاذي الابداعات
برنسهم كلهم يا برنس