صاحبي خذها نصيحه لا تحب .....!!!!

السلام عليكم

كيف حااالكم

انا شفت احد ابيات القصيدة واعجبني ودورت عليها ولقيتها وحبيت انقلها لكم

اتمنى تعجبكم "
"
"
"
"
"

ذاب غصن الشمع من لمعة لهب
.................وانطفى نورٍ يسمّونه .. طموح..

مثل خفّاقٍ من الدنيا تعب ..
.................عاف حظه ثم حبته الجروح,,

صاحبي مادمت عايش.. لا تحب
.................وين تلقى لك اذا حبيت روح !!

شفني من جرحي تعوّدت العتب
.................ماذبحني غير صدقي والوضوح,,

والزمان اللي لضحكاتي سلب
.................عادته يبدا بكل قلبٍ سموح ..

لي ضلوع اوقات تصبح من حطب
.................والعيون احيان ماتبكي .. تنوح..

ضقت في كل الوسيعه والرحب
.................ماالتفت الا وقدامي صروح,,

هذا حالي للفرح ابغى سبب
.................وين ماوديت همي.. مايروح,,

صاحبي آخر كلامي .. بانسحب
.................بترك اللي راح وابدا بالنزوح,,

صاحبي خذها نصيحه .. لا تحب
.................وان تمرد بك خفوقك .. لا تبوووح...