حبيبي أبيك تعرف كل شي عني ..
كيف قلبي خضعلك ومنعني
أبعد واغيب .. وبعشقك جبرني ..
كيف تملكني .. وفلحظة أمرني ..
قبل ما احبك وانا تراودني أحلام ..
أحلام عشق ٍ طفولي ماعليه ملام ..
أحسه واتغنى فيه وأسرح وما أنام ..
لكن اللي عرفته عن الحب مجرد كلام ..
عرفتك .. وتغيرت معاك أفكاري ..
وفحبك عشت بالجنة رغم ناري ..
ورغم عذابي وغربتي بداري ..
كان العشق أجمل أقداري ..
عرفني نصيبي فيك .. ولاقيت
معاك طريق المحبة .. وكم تمنيت
يدوم العشق بيننا .. وبيك أنهيت
دنيا الحب .. وحدود الوله تعديت . .
تعلمت منك كل الجنون ..
وياما غرقت فبحور الظنون ..
واذا بتخون يوم عهدك أو تصون ..
وألقاك تكذّب وساوسي وتهون ..
وصدق اني من يوم شفتك وعرفتك ..
ينتفض قلبي اذا فبالي ذكرتك ..
ورغم ألم غيابك عني عذرتك ..
لأنك توحشني مثل مانا وحشتك ..
بذمتك كيف تسألني و الهوى ..
عرف طريقه لقلبي وعليه نوى ..
يهنيه و يسقيه من حبك لين ارتوى
وتكون لحياتي شمسها وظلها والهوا ..