ياعلني فدوة مواطيك ياطاها && وياعل شعب(ن)سبك اليوم ينهار
وياعل عين(ن) حبتك وانثرت ماها && تدعي عليهم علهم صالي النار
تسكت عرب واهل البقر فاتحه فاها && حيث ان ربعي رجنوا مابهم بار
قدنا قبل من مدة(ن) نسمع ثغاها && واضرب عن الانتاج حاكم وتجار
واليوم عادوا سبهم وانت تقراها && ليش ان قومي عودوا دفع الاجار
والا رسولك هادي الناس يسواها && محمد الهاشم والاخوال نجار
نور(ن) لكل الخلق والناس ذراها && من جاهليه والشفاعه عن النار
يارب ترزق امتك شخص ينهاها && ياقف بوجه الظلم وياخذ لنا ثار
ويفز فزة مسلم(ن) غار لحماها && من غيرته في مشيته ثور غبار
وينك عن اللي قايل تشوف وش جاها && ماهو كلام(ن) بالورق حط تذكار
جاوب جوابي عينك تشوف ذا داها && مد النظر جيش(ن) على الكفر جرار