من بقلبه حب .. يرفع اصبعه
خل نعرف اللي فينا يعشقون
و انا .. اول من ابهامه يرفعه
وكلبوكم ارفعوا لا تستحون
اشرحولي وضعكم ابسمعه
وكل واحد له زمن لو تسمحون
قال هذا هرج .. مابه منفعه
راح ياخذ وقت تالي تزهقون
قلت قول صدورنا كله سعه
ما نمل ولا نكل .. مثلك يمون
قالها يبكي .. تحدر مدمعه
وياكثر غيره تباكى من عيون
قال انا والحب من مبطي معه
لكن الخاين ترى طبعه يخون
يسلب عقول البشر ثم يتبعه
كل غاوي مايهم من هو يكون
يسحرك ثم يامرك بس بصبعه
وغصب عنك ياردك عد الضنون
له وجوه وله .. عدة أقنعه
هو وجه اليأس في هيئة حنون
هو محال انك تقدر تمنعه
يغرس ارماح الهوى مثل الطعون
ياخذك حتى خضم المعمعه
و يتركك .. إنا إليه راجعون
قلت له اسكت عسى الله يقلعه
كدرن هرجه وهيضت الشجون
ماني سامع شي قلبي قطعه
اسمعوني واسكتوا لا تسردون
انا وضعي يختلف عن موضعه
و افهموا .. لكنكم لا تعلمون
الهوى لغز(ن) محد(ن) يرمعه
ومن يفكر فيه .. ترى صابه شجون
ALPRINCE99