اسم القصيدة :: اخذيني
للشاعر الكويتي سعد علوش
اخذيني لي عجبتج بس رديني .. وان ما عجبتج خلاص اخذيني مابيني
مادامني شفت فيج الطهر والعفه .. بعيف نفسي لي منج كرهتيني
اخذيني لو اعتبر من ضمن اشيائج .. وانا بحبج ولالازم تحبيني
لابي علاقة ولانظرة وبسمه .. احساسي اني بقربج بس يكفيني
ولو اني انضفت لاشيائج غصب عنج .. طلي علي يا غناتي لاتخليني
تراي لاجا المصامد ماني بهين .. تقول كن العرب لعبة بيديني
شخصيتي من غرابتها وطيبتها .. كن الزمن في تحدي بينه وبيني
اخذيني الشاعر الي ماصدق حظه .. لا قلت ياحظ وينك قال ياويني
اخذيني المبدع المتفلسف التحفه .. مومن وتضحك على العالم شياطيني
شهرة شكسبير وافلاطون ونيوتن .. لا قلت لي بيت شعر تطيح من عيني
واخذيني العنصرالي صج متعنصر .. من دون ربعي لو اقطع شراييني
اخذيني اللي لي منه طلب يعطى .. وتكفين لامن طلبتج لاترديني
تكفين يا غايتي يا بهجة الدنيا .. ابا احرق قلوب ناس ما تدانيني
اخذيني بكل شوق وقولي احبه .. وان شككو فيج ولا في ضميني
قولي سعد والله انه غالي جده .. ويجعل فدوة شبابي واخر سنيني
وانا بصدق كلامج واعتنز بالله .. وبقول للناس ما يعنيج يعنيني
وانا علي نذر ما ارخص جيتج .. وانتي نذر على رقبتج انج ما تخليني
يله ننتظر ردودكم والي مايرد ياويله مني
السبت مايو 31, 2008 10:26 am