مالي بدمعة على خد القمر حاجة
الدمعة اللي تعذبني بأدبها
قلبي بغصبه غصب يفل لي احجاجه
ويضحك مع الناس واللوعة يحاربها
ماهو بكيفه ولاهو بكيف ميزاجه
مشاعره بالغصب والله لدربها
بعلمه كيف يكسب حربه وتاجه
ويحرق فؤاد الذي روحي معذبها
بعلم القلب من طبعه ومنهاجه
بحفظ دروسه وعلى قلبه بجربها
بسقيه مر الجفا واضيِّـق افجاجه
الين روحه تضيق ابها محادبها
بسوق جيشي عليه ابزمرة افواجه
رايات نصري على دربه بنصِّـبْها
ابتعبه واتسبب دوم بزعاجـه
بسكن في روحه واستوطن مضاربها
بشب فيها لهيب أشواق وهاجة
أنفاس صدره بنار الوجد ألاعبها
الين روحه تصيح بصدق محتاجة
لعيوني اللي بنظرة شوق تطربها
بعيِّشه وسط بحر ٍ تلعب أمواجه
تهيم روحه ولا تاصل مراكبها
بعلمه إن عيني شعلة إسراجه
نفسه بدوني ظلام الليل يرعبها
بخلي رجله بدربي دوم دواجه
تاصل على الدرب ماتلقى متعبها
ابهلكه ثم ازيد ابلوعة احراجه
هواجسه لو تعدنِّـي بحاسبها
امشي معه بالوفاء ويقول منعاجه
دامه كذا قلت اخربها: اخربها