حبيبي.. دواك هااللوحه..رسمها خافـقي الـولهان
طيورٍ.. بالهوى غـنّت.. و روضٍ يـعـتـني فـيهــا
حبيبي..لوحتي شعـري.. ومحبرها من الوجــدان
قصايد فيك غـنّت .. ليتك بـصـوتك تـغـنّـيهــــــــا
حبيبي..تاهـت البسمه.. ولا بيّن لهـا عنــــــــوان
وحـلّـت للأسى ركـابٍ.. تـنـاديني وانـاديـهــــــــا
حبيبي..ليلنا طوّل..متى شـمـس الوصـــــال اتبان
متى ورود الهوى الذبلى..بوصلٍ عذب نرويـها
متى نبحـر على شــــراعٍ ..يدوّر للوفـــــا شطئان
متى روحـــي وروحك..بالعـطا والـحب.. نحييها
حبيبي.. مـدّ لي كفّـك..وخلك للوفــــــــــا عنــوان
لخلٍ مـدّ لك كـفّـه.. كـفـوف الـوصــــل ..مديهـــا
حبيبي.. وش يفيدك هالجفا..والصـدّ..والحــرمان
تعنيني وانا روحي..غـرامـك حيــل مشـقـيهـــــا
حبيبي.. لا تـعـنـيـني .. ولا تبــدي لي الـنـكــــران
ترى لي عــزةٍ تـظـمى لهــا روحي ..وترويهـــا
أمـوت من الـوله..لكـــن.. اعـــزّ النفس ماتـنـهان
واذا مجبور اضحّي بك.. أضحّي وذاتي أرضيها
أقـوله..رغم مالك..من معــزّه مـاوصلها انســان
ولكـن..عـزتي تـدري.. امـوت آمـوت واحييهــا
ترى ما جابني غـيـر الـوفا.. وان ســـرّك النسيان
فانا مالي سـوى جـروحي تـواسيني و اواسيها
واذا عــزّ الوصـال.. ولا بـقـالي في مــداك أوطان
فانا لـي أمنيه.. لـيـتـك تحـقـقها.. وتـوفـيهــــــا
اذا لي بـخـافـقـك ذكرى - جميله - قبل مــا تـنهان
ابيك اليوم..للنسيان.. مــع الأشـعــار تهديهــا!!
الإثنين مارس 02, 2009 3:12 pm