لا لميس ولا مهند فيهم الحسن الفريد=شفت انا اجمل مٍنًهم في بلادي ياغشيم
(السعوديه) حلاها زايد بوصفه عديد=من مواطيها لخصلـة جيـدهـا قمـة نعيـم
وانت هرجك اقصره وانصحك لا لا تعيد=دام شينك مبتليك من اصولك يافهيم
ياخساره ضاع فعلك وانت في حكيك بليد=من برامج واطيه حدهم فعـلٍِ هزيـم
لاتعمم دام عينك ماتشوف الا البعيد=والقريب بمحزمك شين بوصافه عديم
منبطح يومك وليلك عند شاشه من حديد=صرت مثل البنت تحكي عن مسلسل يالرخيم
راحت ايام النشاما فعلهم نار وبريد=لاحكو حكي بمجالس رعدهم يبرق بغيـم
اعقل وخلك رزين وبالحكي خلك زهيد=لاتوضح للي حولك إن من جنبك هـريم
فكر بهرجك قبل يظهر ومن فمك يزيد=تحتقرك الناس تهرب تبتلش تصبح غريم
وإنتي يالبنت الدنيه صرتي تتسمي جديد=لعنبو قلبك رخيصه تغيّري المبداء القديم
لو تغيري ماتغيري رسمك بوجهك عتيد=الملاغه في للسانك شينه من بـد الحريم
دام شينك محتويك اسكتي ولا من جديد= وش مهند وش حلاته لاتعيدي يا(...)
لا مهند ينفعك لا طقك الشوق العنيد=ولا لميس بتنفعك لا ثار شوقك يالحليـم
ديرتي فيها الملامح حور ذا علمي الاكيد=لا لميس ولامهند جعلهم نـار الجحيم