--------------------------------------------------------------------------------
ماني بخسران انتي ايـه خسرانـه
غيرك كثير شـرا قربـي ويبغانـي
وماضيك اقدر على دفنـه ونسيانـه
وانت اتحداك لو في يـوم تنسانـي
اعطيتك اكبر ممـا تأخـذ انسانـه
تعاملي معك راقي حيـل وانسًانـي
فسرته بضعف وانتي حيل غلطانـه
ماني ضعيفلك ولاني منك زعلانـي
النفس طابت ولاهي عـاد ولهانـه
طفيت شمع الغلا واغلقـت بيبانـي
ملاك كان بعيونـي صـار شيطانـه
انا اعترف كنت بالتقديـر غلطانـي
نفختك اكثر من اللازم - كما - لبانه
نهاية النفخ انفجرت علـى لسانـي
غرتك نفسك بأنك غيـر يـا فلانـه
وانتي بدوني مجرد طيف سهرانـي
ننهي العلاقه بسيطه دان يـا دانـه
اضحك واغني مع احبابي واخوانـي