صباحكم / مسائكم
ورد
الله يجيرك والمواجع لها صيت ..
........................في قلب مثلك فاقدٍ كل ربعه !.
أدري وأنا خابرك حتى لو أغضيت
........................قد شفت في عينك مع الضحك دمعه
ياخوي وش بقيت لي ويش خليت !.
........................الحال من بعضه ولا شوف فزعه
عبدالله .. الله يشهد شلون عانيت
........................تعبت وأحلف لك وهاليوم (جمعه)
ياخي تعبت من الخلايق ومليت !.
........................صرت أتمنى روحتي دون رجعه !!.
تعبت لنّي في السماحه تماديت
........................إلين صار الضحك من قلب .. صنعه !!.
الهم طرقي ٍ لقا فالحشا بيت
........................ساكنْه شيخٍ فاقدٍ مابوسعه ..
رحمه طرقيّه وهو كلمته (ليت ..
........................ياليت لو باقي من الحيل ربعه) !!.
أو ليتني من دون نزعه توفيت
........................ياخوي حتى الموت تسبقه نزعه !!.
هو قالها ممسي .. وصبّح وهو ميت !!.
........................جو يدفنونه ... مالقو منه قطعه !!.
الأربعاء مارس 04, 2009 2:52 pm